Ас-Саффат

Сап-сап тұрушы (періштелерге) серт

Ант етемін! Сап түзеп тұратындармен

Айдаған сайын айдаушы (періштелерге) серт

және айдаған айдаушылармен

Үгіт оқушы (періштелерге) серт. (Алладан басқамен ант ету дүрыс емес. Бірақ, Алла тарапынан басқаға ант етілуі; ант еткен нәрселерде; ант етілген нәрселерге куәлік бар деген ұғымды береді. Т-Қ)

және Еске салушыны / Құранды / оқитындармен

Тәңірлерің біреу

Ақиқатында, сендердің құдайларың әл-Уахид / Бір, жалғыз

Көктер мен жердің әрі араларындағылардың және шығыс жақтардың Раббы. (С. 40-А)

Ол - аспандар мен жердің және екеуінің арасында болғандардың Раббысы, әрі шығыстардың Раббысы

Рас дүние көгін жұлдыздармен безедік

Біз төменгі аспанды аспан денелерімен / жұлдыз, ғаламшарлармен / көріктендірдік

Бүкіл шектен шыққан шайтаннан қорғадық

және оны барлық бойсұнбаушы шайтаннан сақтадық

Олар, жоғарғы әлемді тыңдай алмайды. Олар, әр тараптан атылады

Олар жоғарыдағы топты тыңдай ал­майды, сөйтіп олар жан-жақтан атқыланып

Қуылған түрде олар үшін ұдайы азап бар

қуылады. Әрі оларға тұрақты азап бар

Алайда әлде біреу бір сөз ұрлайтын болса, оны өткір бір жалын қуалайды

Ал, кім / тыңдап / іліп алса, оның соңына отты ұшқын түседі

Енді олардан сұра: "Оларды жарату қиын ба? Басқа жаратқандарымыз қиын ба? Шын мәнінде оларды (адам баласын) бір жабысқақ балшықтан жараттық

Ей, Мұхаммед! / Олардан сұра, олар­ды жарату қиын ба, әлде Біздің жаратқандарымызды ма? Анығында, Біз оларды жабысқақ лайдан жараттық

(Мұхаммед Ғ.С.) Әрине (Бұл жаратылысқа) таңырқадың, олар мазақтайды

Негізінде, сен таңғалдың, ал олар / айтқандарыңды / келеке етеді

Қашан оларға ескертілсе де олар ескермейді

Әрі қашан естеріне салынса, олар естеріне алмайды

Бір мұгжиза көрсе, олар тәлкек қылады

ал, егер бір белгіні көрсе, мазақ етеді

Бұл мүлде ашық жады" деседі

Олар: «Бұл ап-анық сиқыр ғана

Біз өліп топырақ және сүйектер болган кезде, рас тірілтілеміз бе

Біз өліп, топырақ пен сүйектерге айналған кезімізде қайтадан тірілтілеміз бе

Әуелгі аталарымыз да ма?",- дер

Әрі біздің алдыңғы бабаларымыз да ма?» - дейді

Әуелгі аталарымыз да ма?",- дер. "Әрине сендер кор боп тірілесіңдер" де

Ей, Мұхаммед! / Айт: «Иә. Әрі сендер де қор болған күйлеріңде», - деп

Шын мәнінде ол бір үрейлі дауыс. Сонда олар қарап қалады

Шын мәнінде, ол - бір дыбыс қана. Сонда олар / қайта тіріліп / қарап тұрады

Әттеген-ай! Бұл есеп күні екен ғой!",- деседі

Олар: «Қап! Сорымыз құрысын! Бұл - Есеп күні»,- дейді

Бұл сендер жасынға шығарған билік күні

Оларға!: «Міне, өздерің өтірік санап келген Айыру күні - осы», - делінеді

Жинаңдар! Ол залымдардьі да сыбайластарын да олардың табынғандарын да

Аса ұлы Аллаһ періштелерге / °: «Әділетсіз болғандарды және оларға ұқсағандарды және олардың табынғандарын жинаңдар

Алладан өзге. Оларға тозақтың жолын көрсетіңдер

Аллаһтан өзге / жалған құдайларын / . Сөйтіп оларды Жахимның / тозақтың / жолына салыңдар

Оларды тоқтатыңдар. Өйткені олар сұраққа тартылады" (делінеді)

Әрі оларды тоқтатыңдар, өйткені олар сұраққа тартылады

Оларға: "Бір-бірлеріңе неге болыспайсыңдар?",- (делінеді)

Оларға / : «Сендерге не болды, неге бір-біріңе көмектеспейсіңдер?» - делінеді

Әрине бүгін олар еріксіз бой ұсынғандар

Әрине, олар бүгін бойсұнушы

Олар бір-біріне қарсы сұрақ қойысады

Әрі олар бір-біріне қарап, сұрақ қояды

(Олар бастықтарына): "Сендер бізге оң жақтан келуші едіңдер" дейді

Ерушілер / : «Сендер бізге оң жағымыздан келуші едіңдер», -дейді

Олар: "Олай емес, өздерің сенбеуші едіңдер" дейді

Бастаушылары / : «Жоқ! Сендер өздерің иманға келмедіңдер

Өйткені, сендерге бір өктемдігіміз жоқ еді. Әрине өздерің азғын ел едіңдер

Әрі сендерге біздің билігіміз болған жоқ. Негізінде, сендер шектен шыққан адамдар едіңдер

Раббымыздың бізге деген сөзі шынға шықты. Біз расында дәмін татамыз

Енді Раббымыздың бізге қатысты Сөзі орындалды. Күмәнісіз, / жазаны / татамыз

Сонда сендерді аздырған едік. Рас өзіміз де азғын едік

Иә, Біз сендерді адастырдық, өйткені өзіміз де адасуда едік», - дейді

Ал рас сол күні, олар азапқа ортақ болады

Әрі сол күні олар азапта бірге болады

Сөз жоқ, Күнәкарларға солайша істейміз

Ақиқатында, Біз қылмыскерлерге осылай істейміз

Расында оларға: "Алладан басқа ешбір тәңір жоқ" делінген кезде, менменсіген еді

Өйткені оларға: «Аллаһтан басқа ешбір құдай жоқ», - деп айтылған кезде, олар менменсіп, өздерін жоғары қоятын

Олар: "Жынды бір ақын үшін рас тәңірлерімізді тастайық па,- десті

әрі олар: «Біз жын соққан бір ақынға бола құдайларымызды тастайық па?» -дейтін

Әрине ол, шындықты әкелген әрі елшілерді мойындаған еді

Жоқ, олай емес! Ол ақиқатпен келді және / алдыңғы / елшілердің хақтығын растады

Сөз жоқ, сендер күйзелтуші азапты татасыңдар

Сендер міндетті түрде қинаушы азапты татасыңдар

Сендер істегендеріңнің ғана сазайын тартасыңдар

Әрі сендерге тек, істеп өткен амалдарыңның қайтарымы беріледі

Бірақ Алланың ықыласты құлдары бір сәрі

Ал, Аллаһтың тазартылған құлдары басқа

Міне бұлар үшін белгілі бір несібе бар

Міне, соларға белгілі ризық бар

(Түрлі) жемістер де. Олар құрметке бөленеді

сан түрлі / жемістер, әрі олар құрметке бөленеді

Нығымет бақшаларында

Наъим (Жәннаттың аты. Мағрасы - көптеген нығмет, игілік) бақтарында

Дивандардың үстінде ерсілі-қарсылы болады

көтеріңкі орындарда бір-біріне қарама-қарсы отырады

Оларға қайнаған көзден кәселер айналдырыла ұсынылады

Оларды бұлақтан толтырылған кеселермен айналып жүреді

Ішушілер үшін аппақ, тәтті

аппақ әрі ішушілер үшін ләззатты

Ол бас ауыртпайды да әрі мас қылмайды

Одан іш ауырмайды әрі одан олар ақыл-естерін жоғалтпайды

Олардың қасында телмірген ботакөздер бар

Әрі олардың жанында көздерін қорғайтын, жанарлары үлкен / қыздар / бар

Рас олар жарылмаған жұмыртқадай

Әрі олар бейне бір / аялап / қорғалған жұмыртқадай

Олар қарама-қарсы отырып, сұрасады

Олар / жәннаттықтар / бір-біріне қарап сұрасады

Олардан бір айтушы: "Расында бір ағайыным бар еді" дейді

Олардың біреуі: «Менің бір жолдасым бар еді

(Ол, маған): "Шын-ақ растаушылардансың ба?',- дейді

Ол маған: «Сен / қайта тірілуді! шын деп сенушілерденсің бе

Өліп, топырақ және сүйек болсақ та жазаландырыламыз ба

Біз өліп топырақ пен сүйектерге айналған кезімізде есеп беріп жазаға тартыламыз ба?» - дейтін

(деп қасындағыларға): "Оны көргілерің келе ме?",- дейді

Сендер оны көріп тұрған жоқсындар ма?»- / деп жанындағылардан сұрайды

Сонда өзі қарап оны тозақтың ортасында көреді де

Сонда өзі қарап, оны Жахимның ортасында көреді

Аллаға ант етемін! Мені де жоқ ете жаздадың" дейді

Ол: «Аллаһпен ант етейін, сәл болмағанда сен мені құрта жаздадың

Егер Раббымның игілігі болмаса еді, әрине иен де тозаққа келтірілгендерден болар едім

Раббымның игілігі болмағанда, мен / тозаққа / келтірілгендерден болар едім», -дейді

Біз өлмейміз бе

Жәннаттықтар / : «Біз өлмейміз бе

Алғашқы өліміміз ғана. Біз азапқа да душар болмайыз

дүниедегі / бірінші өлімімізден басқа. Әрі біз жазаға тартылмаймыз ба?» - дейді

Сөз жоқ, Бұл (жаннат) ірі қол жетушілік. (Бұл сөздерді жаннаттықтар айтады. Ж.Б.М.К)

Шын мәнінде, бұл - ұлы табыс / жетістік, игілік

Ғамал қылуға тиісті

Амал етушілер, міне, осы секілді / ұлы игілік / үшін амал етсін

Осы қонақ асы жақсы ма? Не заққұм ағашы жақсы ма? (Заққұм; тозақтықтарға берілетін улы, сасық бір ағаш түрі. Сөздік Әлмауарит)

Сый-сияпат ретінде осы / Жәннат / жақсы ма, әлде / тозақтағы / заққұм ағашы ма

Рас заққұм ағашын залымдарға сұмдық қылдық

Анығында, Біз оны / заққұмды / әділетсіздер үшін сынақ еттік

Рас ол, тозақтың түбінде шығатын бір ағаш

Ол - Жахим / тозағының / түбінен өсетін бір ағаш

Оның қауашақтары, шайтандардың бастары сияқты. (Өте жаман бейнеде деген ұғымда. Б.Ж.М.К.Р)

Оның жемістері шайтандардың бастары секілді / өте ұсқынсыз

Сондай-ақ олардан жеп, қарындарын толтырады

Ал, олар одан жейді әрі онымен қарындарын толтырады

Сосын оларға қайнап тұрған судан сусын беріледі

Содан кейін оларға оның үстінен қайнап тұрған су араластырылып беріледі

Сосын олардың қайтар жерлері әлбетте тозақ болады

Кейін олардың / әділетсіздердің / қайтар жерлері - Жахим

Рас олар, аталарын адасқан түрде тапқан болатын

Ақиқатында, олар аталарын адасқан күйлерінде тапты

Сонда олар, аталарының ізінше жүгіре берді

әрі өздері де олардың / аталарының / іздерінен асығыс жүгіруде

Олардан бұрын, алғашқылардың көбі адасқан еді

Негізінде оларға дейін де алдыңғылардың көбі адасқан еді

Расында олардың ішіне де ескертуші жіберген едік

Біз оларға ескертетін ескертушілерді / пайғамбарлар / жібердік

Ескертілгендердің соңының не болғанын бір көр

Ей, Мұхаммед! / Ал, енді ескертілгендердің соңы / қалай / болғанына назар сал

Бірақ Алланың ықыласты құлдары басқа

тек Аллаһтың тазартқан құлдарынан басқаларының

Расында Нұх (Ғ.С.) Бізге жалбарынды. Біз нендей жақсы қабылдаушымыз

Ақиқатында, Нұх Бізге жалбарына үн қатты, Біз қандай жақсы жауап қайтарушымыз

Оны да семьясын да зор қиыншылықтан құтқардық

Әрі Біз оны және оның үй ішін өте үлкен қайғыдан құтқардық

Нұх (Ғ.С.) тың үрпақтарын қалдырдық. (Жалғасты түрде өрбіттік)

Әрі оның ұрпағын қалушылар еттік / қалдырдық

Оны кейінгілерге дәріптеттік

Ол жайлы кейінгілердің арасында / ізгі сөз / қалдырдық

Нұх (Ғ.С.) қа бүкіл әлемнен сәлем болсын

Әлемдердің ішінде Нұхқа сәлем

Рас Біз, ізгі іс істеушілерді өстіп сыйлыққа бөлейміз

Күмәнсіз, Біз жақсылықты ықыласпен істеушілерге сыйын осылай береміз

Өйткені ол, сенуші құлдарымыздан

Шын мәнінде, ол - Біздің иманды / мүмін / құлдарымыздан

Сосын басқаларын суға батырдық

Кейін басқаларды суға батырдық

Күдіксіз Ыбырайым (Ғ.С.) де Нұх (Ғ.С.) тың даңғыл жолында

Әрі шын мәнінде, Ибраһим де оның жолындағылардан еді

Өйткені, Ыбырайым (Ғ.С.) Раббына, ынталы жүрекпен келген еді

Ол Раббысына сау жүрекпен келді

Сол уақытта әкесіне де еліне де: "Нелерге табынасыңдар?",- деді

Ол әкесіне әрі еліне: «Сендер не нәрсеге табынасыңдар

Алладан өзге етірік тәңірлер қалайсыңдар ма

Сендер Аллаһтан өзге, ойдан құрастырылған құдайларды қалайсыңдар ма

Әлемнің Раббына байланысты не ойларың бар

Әлемдердің Раббысы жайында не ойлайсыңдар?» - деді

Сонда Ыбырайым (Ғ.С.) жұлдыз жаққа назар аударып

Сөйтіп, ол жұлдыздарға бір қарап көз тастады да

Мен науқаспын" деді

«Мен ауырып тұрмын», - деді

Сонда ел одан бтрұлған бойда кете берді

Сонда олар одан бұрылып кетті

(Ыбырайым Ғ.С.) олардың тәңірлерінің жанына оңаша барып: "Жемейсіңдер ме?- деді

Ал, ол олардың құдайларына / пұттарына / жасырына келіп: «Сендер жемейсіңдер ме

Неге сөйлемейсіңдер

Сендерге не болды, неге сөйлемейсіңдер?» - деді

Сонда аңдып барын, оң қолымен ұрды

Сөйтіп, ол оларды оң қолымен ұруға кірісті

Олар, оған жүгірісіп келді

Сонда олар / қауымы / оған асығып келді

(Қолмен) жонып, алғандарыңа шоқынасыңдар ма?",- деді

Ол / Ибраһим / : «Сендер, өздерің қашап жасағандарыңа табынасыңдар ма

Алла сендерді де жасаған нәрселеріңді де жаратты

Ал Аллаһ сендерді де, сендердің жасап жатқандарыңды да жаратқан», - деді

Олар: "Ол үшін бір бина жасап, оны отқа тастап жіберіңдер" десті

Олар: «Оған бір құрылыс құрып, оны отқа лақтырыңдар», - деді

Сонда олар оған бір айлакерлік жасауды ойлады да оларды төмендетіп жібердік

Әрі олар оған бір айла жасағылары келді, бірақ Біз оларды ең төменгілерден еттік

(Ыбырайш* Ғ.С.): "Раббым жаққа кетемін. Ол, маған жол көрсетеді" деді

Оттан аман шыққан соң Ибраһим / : «Мен өзімнің Раббыма барамын, Ол мені тура жолмен жүргізеді

Раббым, маған жақсысынан бір ұл бер

Раббым! Маған ізгілерден тарту ет», - деді

Оны өте мұлайым бір ұлмен қуанттық

Сонда Біз оны өте ұстамды бір ұлмен сүйіншіледік

Ұлы (Ысмайыл) өзімен бірге жүруге жеткен кезде: "Балақайым! Сені түсімде бауыздағанымды көремін; назар аудар, көзқарасың не?",- деда. Ол: "Әй әкетайым! Өзіңе не әмір етілсе, оны орында. Алла қаласа, мені сабырлылардан табарсың" деді

Ол / ұлы / оның өзімен бірге жүріп, әрекет етуге жеткен кезде, ол: «Әй, балам! Мен түсімде сені / құрбандыққа / шалып жатқанымды көремін. Байқап қарашы, сен не ойлайсың?» - деді. Ол: «Әкешім! Өзіңе бұйырылғанды орында. Аллаһ қаласа, мені сабырлылардан табасың», - деді

(Ыбырайым Ғ.С. құрбан айының ші күні; баласын құрбан шалатын бір түс көріп, күдіктенгендіктен: "Таруя"; күдікгі күн деп, 9-шы күні; және қайта көріп, рас деп танығандықтан: Ғарифа"; тану күні деп, 10-шы күні және көріп, құрбан шалғандықтан: "Нахыр" деп аталады. Б.М.) Сөйтіп екеуі де ұнап, әкесі оны маңдайының үстіне жатқызады. (Құдыретше бауыздаған бышақ кеспеді. Ж.М)

Сөйтіп, екеуі де бойсұнып, ол оны маңдайын жерге тигізіп жатқызған кезде

Біз, оған: "Әй Ыбырайым,- деп, дабыстадық

Біз үн қатып: «Ей, Ибраһим

Рас түсінді шынға шығардың. Күдіксіз ізгі іс істегендерді осылайша сынаймыз" (дедік)

Сен түсіңде көргеніңді растап, орындадың»,-дедік. жақсылықты ықыласпен істеушілерге қайтарым сыйын Біз осылай береміз

Шын мәнінде бұл бір ашық сынау еді

Ақиқатында, бұл - анық сынақ

Оны ірі бір құрбандыққа ауыстырдық. (Құдыретше бір құрбандық қошқар беріледі. Б.Ж.М.К)

Әрі Біз оның орнына ұлы құрбандық бердік

Кейінгі нәсілдерде, оған (жақсы даңқ) қалдырдық

Әрі кейінгілердің арасында ол жайлы / игі дұға-салауат / қалдырдық

Ыбырайым (Ғ.С) ға сәлем

Ибраһимге сәлем / амандық / болсын

Рас, ізгі істер істеушілерді осылайша сыйлыққа бөлейміз

Біз жақсылықты ықыласпен істеушілердің сыйын осылай береміз

Өйткені ол, сенген құлдарымыздан еді

Шын мәнінде, ол - Біздің иманды / мүмін / құлдарымыздан

Оны пайғамбарлардың ізгілерінен; Ысхақпен шүйіншіледік

Әрі Біз оны Исхақпен - ізгілердің қатарындағы пайғамбармен сүйіншіледік

Өзіне де Ысхақ (Ғ.С) қа да береке бердік. Сондай-ақ екеуінің ұрпақтарынан жақсы болғандар да өздеріне ашық зұлымдық еткендер де бар

Әрі Біз оған және Исхаққа береке дарыттық. Ол екеуінің ұрпақтарының ішінде игілік істеушілер бар, сондай-ақ, өзіне-өзі анық әділетсіздік етуші де бар

Расында Мұса, Ћарұн (Ғ.С.) ға да игілік бердік

Әрі Біз Мұса мен Һарұнға да игілік жасадық

Екеуін әрі елін зор апаттан құтқардық

Әрі ол екеуін және олардың елін үлкен қайғы-қасіреттен құтқардық

Оларға жәрдем еттік те сонда олар, жеңіске ие болды

және Біз оларға көмек беріп, олар жеңіске жетті

Екеуіне түсінікті кітап бердік

Әрі Біз екеуіне анық Кітапты / Тәуратты / бердік

Екеуіне тура жол көрсеттік

және екеуін тура жолмен жүргіздік

Екеуіне, кейінгі нәсілдерде (жақсы даңқ) қалдырдық

Әрі Біз ол екеуі жайлы кейінгілердің арасында / жақсы сөз / қалдырдық

Мұса және ћартн (Ғ.С.) ға сәлем

Мұса мен Һарұнға сәлем / амандық

Рас ізгі іс істегендерді өстіп сыйлыққа бөлейміз

Ақиқатында, Біз жақсылықты ықыласпен істеушілердің сыйын осылай береміз

Өйткені, екеуі де сенген құлдарымыздан еді

Күмәнсіз, ол екеуі - Біздің иманды / мүмін / құлдарымыздан

Әрине Іляс (Ғ.С.) елшілерімізден еді

Әрі шын мәнінде, Ілияс та жіберілгендерден

Сол уақытта еліне: "Алладан қорықпайсыңдар ма?",- деді

Кезінде ол еліне: « / Аллаһтан / қорқып, сақтанбайсыңдар ма

Ерекше жаратушыны қойып, "Бағыл" атты бұтқа жалбарынасыңдар ма

Сендер Бәълға / пұтқа / жалбарынып, ең жақсы Жаратушыларыңды тастайсыңдар ма

Алла, сендердің де бұрынгы аталарыңның да Раббы

өздеріңнің Раббың әрі бұрынғы ата-бабаларыңның Раббысы болған Аллаһты?» - деді

Сонда елі оны жасынға шығарды. Рас олар, жазаға келтіріледі

Сонда олар оны өтірікшіге шығарды, енді олар міндетті түрде / тозаққа / келтіріледі

Бірақ Алланың ықыласты құлдары басқа

тек Аллаһтың тазартқан құлдарынан басқалары

Кейінгі нәсілдерге оған (жақсы даңқ) қалдырдық

Әрі Біз ол жайлы кейінгілердің арасында / жақсы сөз / қалдырдық

Іляс (Ғ.С.) қа сәлем

Ілиясинге сәлем

Рас Біз, ізгі іс істегендерді осылайша сыйлыққа бөлейміз

Күмәнсіз, Біз жақсылықты ықыласпен істеушілердің сыйын осылай береміз

Өйткені, ол сенімді құлдарымыздан еді

Шын мәнінде, ол Біздің иманды / мүмін / құлдарымыздан

Күдіксіз Лұт (Ғ.С.) елшілерден еді

Сөзсіз, Лұт та жіберілгендерден

Сол уақытта оны да семьясын да түгел құтқардық

Біз оны және оның үй ішінің барлығын құтқардық

Бірақ қалғандардың ішіндегі бір кемпірден басқа

тек қалушылардан болған бір кемпірден басқа

Сосын өзгелерін жоқ еттік

Содан кейін басқаларын жойып жібердік

Әрине тәңертең, олардан өтіп жүресіңдер

Әрі сендер олардың жанынан таңертең өтесіңдер

Әрі түнде де. Сонда да түсінбейсіңдер ме

және түнде де. Ақылдарыңды істетіп, ұғынбайсыңдар ма

Күдіксіз Юныс (Ғ.С.) елшілерден еді

Йунус та жіберілгендерден

Күдіксіз Юныс (Ғ.С.) елшілерден еді. Сол уақытта ол, толы кемеге қашқан еді. (Еліне кейіп, кемеге барып түскенде; кеме ауырлап, жүре алмай, шар салғанда соған шығады. Б.Ж.М)

Кезінде ол лық толы болған кемеге қашқан еді

Шар салғанда ол, жеңіліске ұшырады. (Қарғып теңізге түсті)

Содан жеребе тартып, жеңілгендерден болды

Сонда оны балық жұтты. Ол, айыпталған еді

Сөйтіп оны жазғырылуға лайық болған күйінде кит жұтты

Егер ол, Алланы рас дәріптеушілерден болмаса еді

Егер де ол / Аллаһты кемшіліктен / пәк деп дәріптеушілерден болмағанда

Әрине қайта тірілетін күнге дейін балықтың қарнында қалған болар еді

оның / киттің / ішінде қайта тірілтілетін күнге дейін қалған болар еді

Сонда оны қырға шығарып, тастадық. Ол науқас еді

Сонда Біз оны ашық жерге шығарып тастадық.Ал, ол әлсіз еді

Оның үстіне жапырақты бір ағаш өсірдік

Әрі Біз оның үстіне / оған / иақтийн өсімдігін өсірдік

Оны жүз мың не тағы артығырақ елге жіберген едік

Әрі Біз оны жүз мың немесе одан да көпке жібердік

Сонда олар иман келтірді де бір мерзімге дейін пайдаландырдық

Олар иманға келді. Сонда Біз оларды бір мерзімге дейін пайдаландырдық

Енді олардан сұра: "Қыздар Раббыларынікі де, ұлдар олардікі ме

Олардан / мүшріктерден / сұра, шынымен-ақ сенің Раббыңа қыздар, ал оларға ұлдар ма

Немесе періштелерді ұрғашы жаратқанымызға олар куә ме

Әлде Біз періштелерді әйел етіп жаратып, олар оны / көріп / куә болды ма

Сақ болыңдар! Олар жалғандарын айта береді

Біліңдер! Олар ойларынан шығарған жаласын айтады

Алланың баласы бар" деп, олар мүлде өтірік айтады

«Аллаһ туды», - деп. Олар - сөзсіз, өтірік айтушылар

Алла ұлдардан көрі қыздарды артық көре ме

Ол ұлдарға қарағанда қыздарды таңдады ма

Сендерге не болды? Қалай шешім етесіңдер

Сендерге не болды, қалай шешім шығарасыңдар

Түсінбейсіқдер ме

Естеріңе түсірмейсіңдер ме

Немесе сендердің ашық бір дәлелдерің бар ма

Әлде сендерде анық дәлел бар ма

Шыншыл болсаңдар кітаптарыңды әкеліңдер

Егер шын сөзді болсаңдар, кітаптарыңды әкеліңдер

Олар Алла мен періштелер (Б.Ж.М.К.Р.) арасында ұрпақтық байланыс ұйғарды. Расында періштелер; олардың Алланың алдына келтірілетінін біледі. (Немесе Алла мен жын арасында жег-жаттық ұйгарды)

Олар / серік қосушылар / Онымен / Аллаһпен / жындардың арасында туыстық байланыс бар деп ұйғарды. Ал жындар болса өздерінің / есеп беруге / келтірілетінін білді

Алла (Т.) олардың сипаттауларынан пәк

Аллаһ - олардың таңған сипаттарынан / жапқан жалаларынан / пәк

Бірақ Алланың нағыз құлдары өйтіп сипаттамайды

тек Аллаһтың тазартқан құлдары ғана басқа / ондайдан аулақ

Сонда сендер де табынған нәрселерің де, (бірлесіп)

Ал, сендер және сендердің табынғандарың

Сендер Аллаға қарсы бұзақылық шығара алмайсыңдар

Оған / Аллаһқа / қатысты ешкімді де бүлікке сала алмайсыңдар

Бірақ кім тозаққа түсетін болса, ол басқа

тек Жахимда (Тозақта) жанатындарды ғана / бүлікке түсіре аласыңдар

Бізден орны белгіленбеген ешкім жоқ

Періштелер / : «Бізден орны белгілі болмаған ешкім жоқ

Шын мәнінде біздер қатарланып тұрушыларданбыз

Ақиқатында, біз қатарланып тұрушымыз

Әрине Алланы дәріптеушілерденбіз

Әрі біз - / Аллаһты кемшіліктерден / пәк деп дәріптеушіміз», - дейді

Олар былай дейтін еді

Ал, олар / Мекке мүшріктері / кезінде

Егер бізде бұрынғыларға түсірілген үгіт болса еді

«Егер де бізде әуелгілерден бір «Еске салу» болғанда

Әлбетте Алланың ықыласты құлдарынан болар едік

онда біз де Аллаһтың таңдалған құлдарынан болар едік», - деп айтатын еді

Сонда олар, келген Кітапқа дереу қарсы шықты. Жақында (нәтижені) біледі

Алайда, олар оған / Елшіге / күпірлік етті / сенбеді / . Енді олар жақын арада біледі

Расында елші құлдарымызға сөзіміз бұрын бекіген болатын

Әрі Біздің Сөзіміз Елші етіп жіберілген құлдарымызға алдын ала бекітіліп қойылған

Сөз жоқ, оларға жәрдем болады

Оларға сөзсіз көмек берілетіні

Сөзсіз жеңіске ие болатын біздің әскер

және Біздің әскеріміздің жеңетіні туралы

(Мұхаммед Ғ.С.) сонда олардан бір мезгілге дейін бет бұра тұр

Ей, Мұхаммед! / Олардан / мүшріктерден / бір уақытқа дейін жүзіңді бүр

Оларды көре тұр, олар да жақында көреді

әрі Оларға қара, жақында олар / азапты / көреді

Олар азабымыздың жедел келуін қалай ма

Олар Біздің азабымыздың тез болуын талап ете ме

Қораларына (азап) түскен кезде, ескерту берілгендердің таңы нендей жаман

Ал, ол / азап / олардың есіктерінің алдына түскен кезде, ескертілгендердің таңы қандай жаман болады

Сонда олардан бір уаққа дейін аулақ бол

Ей, Мұхаммед! / Олардан / мүшріктерден / бір уақытқа дейін жүзіңді бүр

Тағы оларды байқай тұр. Жақында олар көреді

және қара, жақында олар / азапты / көреді

Қастерлі Раббың олардың сипаттағандарынан пәк

Сенің Раббың - үстемдік Раббысы / Иесі / олардың сипаттағандарынан пәк

Елшілерге сәлем

Әрі елшілерге сәлем / амандық

Барлық мақтау бұкіл әлемнің Раббы, Алла (Т.) ға лайық

Барлық мақтау - Әлемдердің Раббысы Аллаһқа