Сад

Сад. Үгіт толы Құранға серт

Сад. Еске салуды қамтыған Құранмен ант етемін

Әрине қарсы болғандар, дандайсып, тартысуда

Ал, сондай күпірлік етушілер / бас тартушылар / тәкаппарлық пен қарсылықта

Олардан бұрын қаншалаған нәсілді жоқ еттік. Сонда олар ойбайлады да; бірақ құтылар заман емес еді

Біз олардан бұрын қаншама ұрпақтарды жойдық. Сонда олар жалбарынды, бірақ құтылуға кеш болған еді

Олар өздерінен бір ескертуші келгеніне таңырқады да қарсы болғандар: "Бұл бір сиқыршы, барып тұрған суайт" деді

Әрі олар ескертушінің өз араларынан келгеніне таң қалды және кәпірлер: «Бұл сиқыршы, өтірікші

Тәңірлерді бір-ақ тәңір қыла ма? Әрине бұл тым таңғажайып нәрсе

Ол құдайларды бір ғана құдай етті ме? Шынында, бұл таң қаларлық нәрсе екен!» - деді

Олардың бастықтары келіп: "Жүріңдер, өз тәңірлеріңде сабыр ете тұрыңдар. Сөз жоқ, бұл бір мақсатты нәрсе

Олардың араларындағы беделділері шығып бара жатып: «Жүре беріңдер және құдайларыңа сабыр етіңдер. Негізінде, бұл арнайы істелген нәрсе

Тіпті бұны біз өзге дінде естіген емеспіз. Бұл мүлде бір жасанды жол

Біз соңғы дінде мұндай туралы естімедік. Бұл - ойдан шығарылған өтіріктен басқа нәрсе емес

Арамыздан осыға ғана үгіт түсірілді ме?,- (десті) Олай емес, олар Менің үгітімнен күдіктенуде. Әрине олар азабымды татқан жоқ

Ескерту біздердің ішімізден осыған түсірілді ме?» - деді. Жоқ, олай емес! Олар Менің Ескертуімнен / Құраннан / күмәндануда. Иә, солай! Олар әлі азапты татпады

(Мұхаммед Ғ.С.) немесе өте үстем, аса жомарт Раббыңньің мәрхаметінің қазынасы олардың қасында ма

Ей, Мұхаммед!! әлде оларда әл-’Азиз / бәрінен Үстем / , әл-Уаһһаб / сый Беруші / Раббыңның мейірімінің қазыналары бар ма

Не көктер мен жердің әрі арасындағылардың иелігі олардікі ме? Ендеше, ыңғайын тауып, көтеріліп көрсін

Әлде аспандардың және жердің әрі ол екеуінің арасындағылардың билігі соларда ма? Олай болса / қолынан келсе / олар жолын тауып / аспанға / көтерілсін

(Олар) мұнда соққы жеген рулардан бір қол

Қай әскері болмасын, алдыңғы топтар сияқты жеңіліске ұшырайды

Олардан бұрын Нүх, Ғад елі және салтанат иесі Перғауын да жасынға шығарған еді

Бұлардан бұрын Нұхтың елі, Ад елі және қазықтардың / үлкен әскердің / иесі Фиръаун да / елшілерді / өтірікке шығарды

Сондай-ақ Сәмұд, Лұт және Әйке халқы да. Міне осы топтар

Әрі сәмұдтықтар да, Лұттың елі және Әйке тұрғындары да. Міне, осылар - / ұқсас / топтар

Барлығы да елшілерді жасынға шығарғандықтарынан, азап лайық болды

Елшілерді өтірікшіге шығарғандары үшін олардың әрқайсысына Менің жазам тиісті болды

Ал енді бұлар да тоқтаусыз бір ғана ащы дауысты күтеді

Олар одан кейін қайта оралу болмайтын, бір ғана сайхадан басқаны күтпейді

Олар: "Раббымыз, есеп күнінен бұрын көресімізді тез көрсет" десті

Әрі олар: «Ей, Раббымыз! Бізге тиісті үлесімізді / азабымызды / Есеп күнінен бұрын бізге тездет», - дейді / келеке етіп

(Мұхаммед Ғ.С.) олардың айтқандарына сабыр ет. Мықты құлымыз Дәуіт (Ғ.С.) ті есіңе ал! Өйткені ол, өте бой ұсынушы

Ей, Мұхаммед / / Олардың айтқандарына сабыр етіп, қуатты құлымыз Дәуітті еске ал. Ол әрдайым Оған қайтушы еді

Рас оған тауларды бағындырдық. Олар онымен бірге іңірде әрі сәскеде Алланы дәріптейтін еді. (С. 79-А)

Ақиқатында, Біз тауларды кешке және таңертең онымен / Дәуітпен / бірге Раббыңды / барлық кемшіліктен / пәк деп ұлықтайтын етіп бағындырдық

Оған құсты тобымен бағындырдық. Барлығы Алланы дәріптуші еді

Әрі топталған түрде құстарды да. Барлығы да Оған / Аллаһқа / бойсұнушы

Оның патшалығын күшейтіп, оған даналық, сондай-ақ дауға билік айту қабілетін бердік

Біз оның патшалығын қуаттап бекіттік әрі оған даналық пен тура / шешімді / сөз бердік

Саған даушының хабары келді ме? Сол уақытта дуардан асып бөлмеге кіріп келген еді

Ей, Мұхаммед! / Саған дауласқандардың хабары келді ме? Сонда олар михрабқа / құлшылық ететін орынға / дуалдан асып келген еді

Олар Дәуіт (Ғ.С) ке кірген сәтте, сонда олардан абыржып қалды. Олар: "Қорықпа, бір-біріне өктемдік еткен екі даушымыз. Арамызға туралықпен билік қыл. Шатаспа да бізді тура жолға сал" деді

Олар Дәуіттің алдына кірген кезде, ол олардан қорқып қалды. Олар: «Қорықпа! Біз бір-бірімізге әділетсіздік еткен екі тартысушымыз. Біздің арамызға ақиқатпен үкім шығар да әділетсіздік етпе. Әрі бізге дұрыс жолды көрсет

Рас мына туысымның тоқсан тоғыз саулығы бар еді де менің бір саулығым бар еді. Сонда да ол, "Оны маған тапсыр" деп, сөз бойынша өзіме өктемдік істеді

Бұл - менің бауырым. Оның тоқсан тоғыз саулық қойы бар, ал менің бір ғана саулығым бар. Ол: «Оны менің қарамағыма бер»,- деп, сөзбен менен үстем түсті», - деді

Дәуіт (Ғ.С.): "Шынында сенің саулығыңды өз саулықтарыңның үстіне сұраумен саған зұлымдық еткен екен. Расында қарым-қатынаста болғандардың көбі, әрине бір-біріне қаралық істейді. Бірақ иман келтіріп, турашылдық істегендер басқа. Олар азғантай" деді. Дәуіт (Ғ.С.) шын мәнінде өзін сынағанымызды сезді. Сондықтан Раббынан жарылқау тілеп, сәждеге жығылып, бой ұсынды

Ол: «Ол сенің саулығыңды өз саулықтарына / қосып алу үшін / сұрап, саған әділетсіздік еткен екен. Негізінде, жақын араласушылардың көпшілігі бір-біріне әділетсіздік етеді. Тек иманға келген және ізгі амал жасағандар ғана ондай емес. Ал, олар аз», - деді. Сонда, Дәуіт Біздің оны сынағанымызды анық түсінді де Раббысынан кешірім тіледі және иіліп / сәждеге / жығылды әрі Раббысына бойсұна жүгінді / тәубе етті

Сонда оны жарылқадық. Шәксіз оның Біздің қасымызда әлбетте жақындыгы, көркем келешегі бар. (Бұл дауа мәселесі, мысал үшін келтірілген. Б.М.К.Х)

Біз оған мұны кешірдік. Ақиқатында ол үшін Біздің алдымызда жақындатылу және қайтар орынның көркемі бар

Әй Дәуіт! Сені жер жүзінде меңгеруші қылдық. Сондықтан адамдардың арасына хақиқатпен ткім ет, ойға ерме. Онда сені Алланың жолынан адастырады. Шәксіз Алланың жолынан адасқандар, есеп күнін ұмытулары себепті оларға қатты азап бар

Ей, Дәуіт! Ақиқатында, Біз сені жер бетінде халифа еттік. Адамдардың арасында ақиқатпен шешім шығар да көңілқұмарлығына еруші болма. Онда ол / еру / сені Аллаһтың жолынан адастырады / ауытқытып, шығарады / . Ақиқатында, Есеп күнін ұмытқаны үшін Аллаһтың жолынан адасқандарға қатты азап бар

Көк пен жерді әрі екі арасындағыларды босқа жартпадық. Ол қарсы келгендердің ойы. Сондықтан оттан азап болатын қарсы келгендерге не өкініш

Біз аспандар мен жерді және екеуінің арасындағыларды бостан-босқа жаратпадық. Бұл - сондай күпірлік етушілердің / Аллаһқа қарсы келушілердің / жорамалы. Ендеше, сондай күпірлік етушілерге / иманға келмегендерге / Оттан үлкен қасірет бар

Немесе иман келтіріп, ізгі іс істегендерді, жер жүзіндегі бұзақылардай қыламыз ба

Біз иманға келген және ізгі амал істегендерді жер бетінде бұзу-бүлдірушілік істейтіндермен тең етеміз бе? Әлде тақуаларды / Раббысына бойсұнып, жазасынан қорқып, сақтанушыларды / күнәһарлармен бірдей етеміз бе

(Мұхаммед Ғ.С.) саған бір мүбарак Кітап түсірдік; аяттарын түсінсін әрі ақыл иелері үгіт алсын

Ей, Мұхаммед! / Біз саған түсірген Кітап - берекелі. / Адамдар / оның аяттарына зейін қойып зерделеулері үшін әрі ақыл иелері еске алуы үшін / түсірдік

Дәуіт (Ғ.С.) ке Сүлеймен (Ғ.С.) ді бердік. Ол не деген жақсы құл еді. Рас ол өте бағынышты

Біз Дәуітке Сүлейменді тарту еттік. / Сүлеймен / қандай жақсы құл! Ол әрқашан Оған қайтушы

Сол уақытта бір кеште Сүлеймен (Ғ.С.) ге сәйгүлік жүйріктер келтірілді

Бірде оған кешке қарай, ойнақтаған / тұяғымен жер тарпыған / жүйрік сәйгүліктер көрсетілді

Сөз жоқ, мен Раббымды еске алу үшін атты өте жақсы көремін" деді. Ақыр тұлпарлар көзден ғайып болған сәтте

Сонда ол: «Мен Раббымды еске алудан гөрі ол / күн / тосық артына жасырынғанша / күн батқанша / , жақсы нәрселерге құштар болып ұнатыппын

Оны маған қайтарып әкеліңдер" (деп,) сонда аяқтарын, мойындарын сипай бастады. (Құран Кәрим түрікше ұғымы, Диянат істері Түркия Құран ұгымы. Т-Қ.Пакістан)

Оларды маған қайтарыңдар!» - деді. Сөйтіп ол / аттардың! аяқтары мен мойындарын сипай бастады

Расында Сүлеймен (Ғ.С.) ді сынап тағының үстіне бір дене қойдық. (Б.Ж.М.А.) Сосын ол, тәубе қылды

Әрі Біз Сүлейменге сынақ етіп, оның тағының үстіне бір денені тастадық. Содан кейін ол / Раббысына / беріле, бойсұна жүгінді / тәубе етті

Раббым! Мені жарылқа. Маған, менен кейін ешкімге нәсіп болмайтын патшалық бер. Әрине Сен өте жомартсың" деді

Ол: «Раббым! Мені кешір әрі маған өзімнен кейін ешкімде болмайтын билік бер. Ақиқатында, Сен Сый берушісің», деді

Сондықтан қалаған жерге жетуге, бұйрығымен оңай жүретін желді бағындырдық

Біз оған, оның әмірімен қалаған жеріне жеңіл есетін желді бағындырдық

Әр түрлі құрылыс жасаушы және сүңгігіш шайтандарды бағындырдық. (С. 82-А)

Әрі оған әрбірқұрылысшы және сүңгуші шайтандарды

Ал басқа біреулері шынжырларда матаулы еді

және кісендермен байланған басқаларын да / бағындырдық

Бұл Біздің бергеніміз. Ал енді қалағаныңа бер. Немесе бермей ұстап тұр, есеп емес. (Ерк өзіңде.)",-(дедік)

Міне, осы - Біздің сыйымыз. Игілік ет не өзіңде ұста, ол үшін есепке тартылмайсың

Күдіксіз ол үшін қасымызда жақындық әрі көркеи келешегі бар

Ақиқатында, оған Бізде - жақындатылу және қайтар орынның көркемі бар

(Мұхаммед Ғ.С.) құлымыз Әйүп (Ғ.С.) гі есіңе ал. сол уақьітта Раббына: "Рас мені шайтан бейнет және қинауға ұшыратты" деп жалбарынды

Ей, Мұхаммед! / Құлымыз Айюбты есіңе ал. Ол Раббысына жалбарына: «Маған шайтаннан бір қиыншылық пен бейнет тиді!» - деп үн қатты

Оған: "Аяғыңмен жерді теп. Міне саған шомылатын әрі ішетін суық су" (дедік)

Оған / : «Аяғыңмен / жерге / теп. Бұл жуынатын және ішетін салқын / су / »,- дедік

(Әйүп Ғ.С. қолынан бала-шага, мал-мүлкі кетіп, құрт ауруға ұшыраса да қабақ шытпай сабырмен құлшылық қыла бергендіктөн, Алланың мәрхаметімен сақайып бұрынғыдан да артық халге келеді. Б.М.К.Р.) Бізден бір мәрхамет сондай-ақ ақыл иелеріне бір үгіт түрінде оған семьясын; олармен бірге бір есе артығымен бердік. (Әйтп Ғ.С. әйеліне кейіп, жазылсам, жүз дүре соғамын деп ант етеді. Б.Ж.М.Р)

Бізден бір мейірім әрі ақыл иелері үшін еске салу ретінде оған үй ішін және олармен бірге тағы соншасын сыйладық

Қолыңа бір топ ши алып, сонымен бір ұр. Сертіңнен қайтпа!" Шынында оны сабырлы көрдік. Ол недеген жақсы құл. Өйткені ол, өте бойсұнушы

Әрі оған / : «Қолыңа бір тұтам сабан алып, сонымен / әйеліңді / ұр және берген антыңды бұзба», - дедік. Ақиқатында оны сабырлы түрде таптық. Ол қандай жақсы құл! Ол әрдайым Оған қайтушы

(Мұхаммед Г.С.) құлымыз Ыбырайым, Ысхақ және Яғқүп (Ғ.С.) ты есіңе ал. Олар мықты да қырағы еді

Ей, Мұхаммед! / Қолдар және көздер иелері болған құлдарымызИбраһимді, Исхақты және Йаъқубты есіңе ал

Расында Біз оларды нағыз ахиретті еске алуға арнадық

Ақиқатында, Біз оларды / мәңгілік / мекенді / ақиретті / еске алумен тазарттық

Сөз жоқ, олар, қасымызда таңдаулы игі-жақсылардан

Олар Біздің алдымызда таңдаулы, ең жақсылардан

(Мұхаммед Р.С.) Ысмайыл, Іляс және Зүлкәфіл (Ғ.С.) ді де есіңе ал. Барлығы жақсылардан еді

Исмаъилды, Әлиясағты және Зулкифлді есіңе ал. Барлығы ең жақсылардан

Бұл бір насихат. Күдіксіз тақуалар үшін тым көркем келешек бар

Ей, Мұхаммед! / Бүл еске салу / ескерту / . Ақиқатында тақуаларға / Аллаһтың жазасынан қорқып, сақтанғандарға / қайтар мекеннің көркемі

Олар үшін есіктері ашық Ғадын жаннаттары бар

олар үшін қақпалары ашылып тұратын, ’Адн жәннатының бақтары бар

Олар онда жастанып отырады. Ол жерде мол жемістер, сусындар тілейді

Олар ол жерде сүйеніп отырып, коп жемістер мен сусындар алдырады

Олардың қасында телмірген жасыт қор қыздары бар

Әрі олардың жанында көздерін / сақтап / өзгелерге салмайтын, өздерімен құрдас қыздар бар

Есеп күні үшін сендерге уәде етілгендер осы

Бұл сендерге Есеп күні үшін уәде етілген нәрсе

Сөзсіз, таусылмас берген несібеміз осы

Ақиқатында, бұл ризық - Біздікі. Ол ешқашан таусылмайды

Я, осы! Ал расында азғындар үшін жаман орын бар

Міне, солай. Ал анығында, бойсұнбағандарға, қайтар мекеннің ең жаманы

Олардың кірер жерлері тозақ. Сонда нендей жаман орын

Жаһаннам (Тозақ) болады. Олар онда күйіп-жанады. Ол - өте жаман мекен

Я, осы! Енді олар, қайнар су, ірің татсын

Бұл - қайнап тұрған су және ірің. Енді олар оны татсын

Тағы басқа осы сияқтылардың неше түрлісі бар

Әрі / жазаның / осы секілді басқа да түрлері бар

(Қылмыстылардың бастықтарына): "Мына топ, сендермен бірге тозаққа кірушілер" (делінеді. Олар): "Оларға жақсылық жоқ. Олар тозаққа кіреді" (дейді)

Тозақ періштелері / : «Мына топ сендермен бірге кіреді», - дейді. / Тозақтықтар / : «Оларға кеңшілік болмасын! Шын мәнінде олар Отта жанады», - дейді

Олар: "Олай емес, сендерге жақсылық болмасын! Бұны бізге сендер келтірдіңдер. Нендей жаман орын" (дер)

Тозаққа кейін кіргендер / : «Жоқ! Өздеріңе кеңшілік болмасын! Сендер оны / тозақты / бізге жақындаттыңдар. Ол өте жаман орын!» - дейді

Олар: "Раббымыз! Бізге бұны кім келтірген болса, оның тозақтағы азабын неше есе арттыра түс!",- дейді

Олар: «Раббымыз! Бізге оны жақындатқанғаОттағы азабын екі есе арттыр», - дейді

Олар: "Бізге не болды? Өздерін жамандардан санаған адамдарды көрмейміз ғой" деседі

Әрі: «Бізге не болды? Біз өзіміз нашар кісілер деп есептегендерімізді / бұл жерде / неге көрмей тұрмыз

Оларды сықаққа алушы едік. Немесе олар көздерімізге түспей ме

Біз оларды келеке етпедік пе? Әлде көзіміз олардан ауытқып, көрмей тұр ма?» - дейді

Күдіксіз, міне осы; тозақтықтардың тартысулары бір шындық

Ақиқатында, осы - Отты / тозақты / мекен еткендердің тартысуы - шындық

(Мұхаммед Ғ.С.) оларға: "Шын мәнінде мен бір ескертуші ғанамын. Өте өктем бір Алладан басқа ешбір тәңір жоқ" де

Ей, Мұхаммед! / Айт: «Мен - тек ескертушімін. Әрі Жалғыз, бәрін сөзсіз Бағындырушы Аллаһтан басқа ешбір құдай жоқ

Ол, көктер мен жердің әрі екі арасындағылардың Раббы. Тым үстем, аса жарылқаушы

Ол - аспандардың және жердің әрі ол екеуінің арасындағылардың Раббысы, бәрінен Үстем, көп Кешіруші», - деп

Бұл бір ірі хабар" де

Ей, Мұхаммед! / Айт: «бұл / Құран / ұлы хабар

Сендер Одан бет бұрсаңдар

Сендер одан бет бұрудасыңдар

Жоғары әлемдегілердің тартыспаларынан мәліметім жоқ еді

Менде жоғарғы топтың әрі олардың тартысқандары туралы ешқандай білім болмады

Шын мәнінде ашық бір ескертуші болғандығынан ғана маған уахи етілуде" (де)

Маған тек өзімнің анық ескертуші екендігім ғана уахи етілуде», - деп

Сол уақытта Раббың, періштелерге: "Мен балшықтан бір адам жаратамын" деген

Міне, кезінде Раббың періштелерге: «Мен лайдан адам жаратамын

Қашан оны жасап, оған рұхымнан үрлеген сәтте, оған сәждеге жығылыңдар" (делінді)

Оны / рет-ретімен / теңестіріп Өзімдегі / иелігіміздегі / рухты оның ішіне үрлеген кезде, оған сәжде етіп жығылыңдар», - деді

Сонда періштелердің бәрі түгел сәжде қылды

Сонда періштелердің барлығы, түгелімен сәжде жасады

Бірақ Ібіліс сәжде етпей тәкаппарланып, қарсылардан болды

Ал, Ібіліс өзін жоғары санап, менменсіп, сәжде етуден бас тартты. Сөйтіп, кәпірлерден болды

(Алла Т.): "Әй Ібіліс! Екі қолыммен жаратқаныма сәжде етуден сені не тосты? Тәкаппарландың ба?",- деді

л / Аллаһ / :«Ей, Ібіліс! Екі қолыммен жаратқаныма сәждеетуіңнен сені не тосты? Сен өзіңді жоғары санадың ба, әлде биік мәртебелілерден болдың ба?» - деді

Ол: "Мен одан артықпын. Өйткені, мені оттан жараттың да оны топырақтан жараттың" деді

Ібіліс / : «Мен одан абзалмын. Сен мені оттан жараттың, ал оны лайдан жараттың», -деді

(Алла Т.): "Дереу ол жерден шық. Шын мәнінде сен рахметімнен қуылдың" деді

Ол / Аллаһ / : «Ол жақтан шық, сөзсіз сен қуылғансың

Шынында қиямет күніне дейін лағынетім саған болсын

Әрі Менің лағнетім саған Қайтарым / қиямет / күніне дейін болады», - деді

Ол: "Раббым, онда қайта тірілетін күнге дейін маған мұрса бер" деді

Ібіліс / : «Раббым! Маған олар қайта тірілтілетін күнге дейін уақыт бер», - деді

(Алла Т.): "Рас сен мұрса берілгендерденсің

Ол / Аллаһ / : «Негізінде сен уақыт берілгендерденсің

Белгілі бір күнге дейін

белгілі мерзімдегі күнге дейін»,- деді

Ол: "Үстемдігіңе серт! Әлбетте олардың барлығын аздырамын" деді

Ібіліс / : «Сенің үстемдігіңмен ант етемін, мен олардың барлығын адастырамын

Бірақ олардан ықыласты құлдарың ғана қалады

тек олардың ішіндегі тазартылған құлдарыңды ғана / азғыра алмаймын / », -деді

(Алла Т.): "Хақиқат осы. Мен хақиқатты айтамын

Ол / Аллаһ / айтты: «Бұл - ақиқат! Мен ақиқатты ғана айтамын

Әлбетте тозақты сеніменен және саған ілескендермен, солардың барлығымен толтырамын

Міндетті түрде Жаһаннамды (Тозақта) сенімен әрі олардың ішінен саған ергендердің барлығымен толтырамын», - деп

(Мұхаммед Ғ.С.) оларға: "Сендерден оған ақы сұрамаймын. Өз ойымнан шығарушылардан емеспін" де

Ей, Мұхаммед! / Айт: «Мен сендерден бұл үшін ақы сұрамаймын әрі мен / бұған / өз ойымнан жалған қосушылардан / өзгертушілерден / емеспін

Бұл Құран бүкіл әлем үшін бір насихат

Бұл / Құран / - әлемдер үшін еске салу, / ескерту / ғана

Әлбетте оның хабарын бір заманнан кейін түсінесіңдер

Сендер әлбетте оның хабарын бір уақыттан кейін білесіңдер», - деп