Ан-Наджм

Батып бара жатқан жұлдыздарға серт

Батып / көрінбей / бара жатқан жұлдызбен ант етемін

Жолдастарың (Мұхаммед Ғ.С.) адаспады да ауытқымады

Ағайындарың адаспады және жолдан ауытқымады

Ол өз ойынан сөйлемейді

Әрі ол өз ойынан сөйлемейді

Сөйлегені көкейіне салынған уахи ғана

Бұл - тек білдірілген уахи ғана

Оған оны өте күшті (Жебрейіл Ғ.С.) үйретті

Оны оған орасан күшті үйретті

Ол қуат иесі (Жебрейіл өз бейнесінде) тура түрды. (Бүл көрініс Хыра тауында болған. Ж.Р)

бітімі келіскен. Кейін ол тұрды

Ол, жоғары көк жиекте еді

ең жоғарғы көкжиекте

Ол, жақындап төмендеді

Содан кейін ол жақындап, төмендеді

Тіпті садақтың екі басындай әлде жақынырақ

әрі ол екі садақ арасындай немесе одан да жақын болды

Сонда Алла, құлына уахи ететін нәрселерін көкейіне салды

Сонда ол Оның / Аллаһтың / құлына Ол / Раббысы / уахи еткенін білдірді

Оның көзінің көргенін көңлі жалғанға шығармады

Ал, жүрегі оның көргенін жалғанға шығармады

Ал енді оның көрген нәрсесіне сендер таласасыңдар ма

Сендер оның көргені жайлы, онымен тартысасыңдар ма

Расында ол, Жебрейілді екінші рет көрді

Әрі ол оны басқа бір түскенінде де көрді

Тұрақтау ағашының жанында

соңғы шектегі Сидрдің жанында

Оның қасында Мәуа жаннаты бар

Оның қасында Маъуа жәннаты бар

Сол уақытта ағашты қаптаған нәрсе қаптады

Сол кезде Сидраны (Бұл аса ұлы Аллаһқа ғана мәлім нәрсе) қаптайтын нәрсе қаптады

(Мұхаммед Ғ.С.ның) көзі таймады да үстірт қарамады

Оның көзі одан аумады да әрі шектен де аспады

Расында ол, Раббының ірі белгілерін көрді

ол, анығында, Раббысының белгілерінен ең үлкендерін көрді

Лат пен Ғүззаны көрдіңдер ме

Сендер Лат пен Ғұззаны көрдіңдер ме

Үшінші басқа Менатты

Әрі басқасын, үшіншісі - Манатты

Еркек сендердікі де ұрғашы Алланікі ме

Сендердікі ер, ал әйелдер Онікі ме

Онда бұл, орынсыз бір бөліс

Бұл онда - әділетсіз бөліс

Бұл, сендер және аталарың қойған құр аттар ғана. Алла оларға байланысты бір дәлел түсірген жоқ. Олар ойларына көңілдері қалағанына ғана ереді. Расында оларға Раббыларынан туралық (Пайғамбар) келді

Олар / пұттар / бар болғаны өздерің және аталарың қойған құр есімдер ғана. Аллаһ олар жайында ешбір дәлел түсірген жоқ. Оларға / мүшріктерге / Раббысынан тура жол келсе де олар жорамалдарына және жандары ғана ереді

Немесе адамзатқа көксегені бола бере ме

Әлде адамға қалағаны бола бере ме

Негізінде ахирет, дүние Алланың иелігінде

Соңғы, мәңгілік өмір де / ақирет те / , алғашқы да / осы өмір де! -Аллаһтікі

Көктерде қаншалаған періште бар. Алла қалап, разы болған кісісіне рұхсат бермейінше, олардың шапағаты еш нәрсеге жарамайды

Аспандардағы қаншама періштенің ара түсуі / шапағаты / ешқандай пайда бермейді, егер тек Аллаһ Өзі қалаған және разы болғандар үшін рұқсат бермейінше

Шынында сондай ақиретке иман келтіргендер, періштелерді (Алланың қыздары деп) әйел атымен атайды

Анығында, соңғы, мәңгілік өмірге / ақиретке / сенбейтіндер періштелерді әйелдерге тән аттармен атайды

Негізінде оған байланысты бір мәліметтері жоқ. Ойға ғана ереді. Шын мәнінде құр ой, шындық жағынан еш нәрсеге тұрмайды

Алайда, оларда бұл жайында ешбір білім жоқ. Олар бос ой, болжамдарына ғана ереді. Ал, анығында - болжам ақиқаттың орнын баспайды

(Мұхаммед Ғ.С.) үгітімізден жалтарып, дүние тіршілігін ғана қалаған кісіден бет бұр

Ей, Мұхаммед! / Біздің Еске салуымыздан / Құраннан / сырт айналғандардан және осы дүниедегі өмірден басқаны қаламағандардан теріс бұрыл

Міне олардың білімі осыған-ақ жетеді. Шынында Раббың жолынан адасқан кісіні де жақсы біледі. Және тура жолға түскенді де жақсы біледі

Олардың білімінің жеткен жерлері - міне, осы. Ақиқатында, Раббың Өзінің жолынан адасқанды жақсы біледі әрі Ол тура жолдағыны да жақсы біледі

Көктердегі әрі жердегі нәрселер Аллаға тән. Сондай жамандық істегендер, істегендерімен жазаланады да жақсылық істегендерді жақсылыққа бөлейді

Аспандардағы және жердегі барлық нәрселер Аллаһтікі, - Оның жамандық істегендерге жасаған істеріне орай қайтарым жаза беруі, ал жақсылық істегендерге ең жақсымен қайтарым сый беруі үшін

Сондай күнәлардың үлкенінен және арсыздықтан сақтанғандардың аздаған кінәлары болса да шәксіз Раббыңның жарылқауы кең. Сендерді жерден жаратқанда және аналарыңның қарнында шикі өкпе кездеріңді де жақсы біледі. Сондықтан өздеріңді өздерің ақтамаңдар. Ол, кім тақуа екенін жақсы біледі

тек кішігірім күнәлардан басқа, сондай күнәнің үлкендерінен және жиіркенішті істерден аулақ болатындарға. Анығында, Раббыңның кешірімі кең. Ол сендерді / Адам атаны / жерден пайда еткенде әрі сендер аналарыңның құрсағында болған кездеріңде жақсы біледі. Сондықтан өздеріңді ақтамаңдар. Ол тақуа болғандарды / Өзіне бойсұнып, жазасынан қорқып, сақтанғандарды / жақсы біледі

(Мұхаммед Ғ.С.) сондай бет бұрғанды көрдің бе

Теріс бұрылғанды көрдің бе

Ол, аз берді, тоқтатты

аз берген және сараңдық еткенді

Оның жанында құпия білім болып, шындықты сол көре ме

Онда ғайып жайлы білім бар ма, ол көретіндей

Оған Мұса (Ғ.С.) ның нұсқаларындағы нәрселер білдірілмеді ме

Әлде оған Мұсаның жазбаларындағы / оған түскен сухуфтарда / хабар айтылмады ма

Сондай-ақ әмірді орындаушы Ыбырайым (Ғ.С.) ның да

және / бұйырылғанды / толық орындаған Ибраһимнің де / сухуфтарындағы

Ешбір күнәкар, басқаның күнәсын көтермейді

ешбіреу басқа біреудің жүгін / күнәсін / көтермейтіні

Адамзат; еңбегіне жарай ғана табысқа ие болады

әрі адамға өзі ұмтылып істеген амалынан басқа ешнәрсе болмайтыны / тек өз амалына сай алатыны

Сөз жоқ, еңбегінің нәтижесін жедел көреді

әрі оның ұмтылыс-амалы ғана көрсетілетіні, / қайта тірілу күні алдынан шығатыны

Сонсоң оған еңбегінің бодауы толық беріледі

кейін оған / істерінің / қайтарымы толығымен берілетіндігі

Күдіксіз Раббыңа тиянақтайды

және соңғы шек / қайту / - Раббыңа екендігі жайлы

Шын мәнінде күлдірген де жылатқкан да Ол

Әрі күлдіретін де, жылататын да - Ол

Өйткені, өлтірген де тірілткен де Ол

және өлтіріп, тірілтетін де Ол екендігі

Шүбәсыз Алла, ер, әйелді жүп жаратқан

Әрі Оның жұпты - ер және ұрғашыны жаратқандығы

Тамызылған бір тамшы "мәни" суынан

атылып шығатын тамшыдан

Шәксіз екінші жасау да Оған тән

және басқа / ақиреттегі / жарату да Оған тән екендігі

Сөз жоқ, байытқан да өркендеткен де Ол

Әрі Ол - байлық беруші және қанағаттандырушы

Расында Ол, "Шығра" жүлдызының Раббы

және Ол Шиъраның / Сириус жұлдызының / Раббысы екендігі жайлы

Күдіксіз бұрынғы Ғад елін жоқ етті

Әрі Ол алдыңғы Ад елін жойғаны

Сондай-ақ Сәмұд елін де қалдырмады

және Сәмұд елін де жойып ешкімді қалдырмағандығы жайында

Одан бұрын Нұх (Ғ.С.) тың қауымын да. Өйткені олар өте залым, тым жолдан шыққан еді

ал, одан бұрын Нұхтың елін де / жойғандығы жайлы / . Анығында, олар өте әділетсіз әрі шектен шыққандар еді

Төңкерілген кентті жермен-жексен етті. (Лұт Ғ.С. ның елі)

Әрі Ол төңкеріліп түскен елді де құлатты

Сонда оларды апат қаптаған сайын қаптады

сонда оны жапқан нәрсемен жапты

Ал енді Раббыңның қай нығметтерінен күмәнданасыңдар

Енді Раббыңның қай игілігіне күмән келтіресің

Бұл Пайғамбар бұрынғы ескертушіден бір ескертуші

Бұл - алдыңғы ескертушілер қатарындағы бір ескертуші

Қиямет жақындады

Жақындап келе жатқан жақындады

Оны Алладан өзге әшкерелеуші жоқ

оны Аллаһтан өзге қайтарушы жоқ

Ал енді сендер осы сөзге таңырқайсыңдар ма

Ал, сендер бұл Сөзге / Құранға / таң қаласыңдар ма

Күлесіңдер, жыламайсыңдар

әрі күлесіңдер де жыламайсыңдар ма

(Сәжде бар.) Сендер кәперсізсіңдер

қаперсіздікте болған күйлеріңде

Ал енді Аллаға сәжде қылып, құлшылық істеңдер

Енді Аллаһқа сәжде етіңдер және құлшылық қылыңдар