Аль-Муддассир

(Мұхаммед Ғ.С. алғаш Жебрейіл Ғ.С. ді көргенде қобалжып: "Жабыңдар, мені жабыңдар" деп жамылып жатады. Б.Ж.М.Р.) Әй жамылушы

Ей, бүркеніп алушы

Түр енді! Адамдарға ескерт

Орныңнан түр, ескерт

Раббыңды ұлықта

Әрі Раббыңды ұлықта

Киіміңді тазала

Әрі киіміңді тазала

Әр түрлі лас істерден аулақ бол

және лас нәрселерден аулақ бол

(Қылған ісіңді) көп міндет қылма

Әрі жақсылықты - көп болып қайтуы үшін жасама

Раббың үшін сабыр ет

Әрі Раббың үшін сабыр ет

Қашан Сұр ұрілсе

Ал, қашан сүр үрілсе

Міне сол күн, өте ауыр күн

міне, сол күн - ауыр күн

Негізінен қарсы келушілерге қолайсыз. (Құрайш руынан Мұғайяра ұлы Уәлит Құранды әсерлі жады деген. Б.Ж.Р.М.Х.Т)

кәпірлер үшін оңай болмайтын

Мен жалғыз жаратқан кісіні өзіме таста

Ей, Мұхаммед! / Жалғыз етіп жаратқанымды Өзіме қалдыр

Оған көптеген мал бердім

Мен оған мол мал-дәулет бердім

Әзір тұратын ұлдар бердім

және жанында тұратын перзенттерді

Оның жағдайын кеңітіп, ықпалын арттырдым

әрі оған / дүниені / жайып қойдым

Сосын тағы да арттыра түсуімді үміт етті

Содан кейін де ол Менің арттыра түсуімді қалайды

Әсте болмайды. Өйткені ол, қасарысқан еді

Жоқ, олай болмайды! Ақиқатында, ол аяттарымызға қарсы қасарысушы еді

Жақында оны өрге зорлаймын

Таяуда оны «өрге» мәжбүрлеймін

Өйткені ол, ойластырып, шамалады

Анығында, ол ойлап, есептеді

Сосын ол өлгір, қалай шамалады

Жойылып кеткір, ол қалай есептеді

Содан кейін ол жаны шыққыр, қайтып мөлшерледі

Содан кейін тағы жойылғыр, ол қалай есептеді

Сосын ол, қарады

Сосын ол ойланып қарады

Содан кейін ол, қабағын шытып, томсарды

Содан кейін қабағын шытып, бетін тыржитты

Сосын ол, теріс айналып паңданды

Одан соң теріс айналып, өзін жоғары санап, менменсіп

Сонда ол: "Бұл, үйретіліп келе жатқан бір сиқыр" деді

«Бұл - айтылып келе жатқан сиқырдан басқа ештеңе емес

Бұл, адамның ғана сөзі

Бұл - бар болғаны адамның сөзі», - деді

Оны жағатын тозаққа саламын

Жақында оны Сақарға кіргіземін

Ол тозақтың не екенін қайдан білдің

Сақардың не екенін саған не білдірді

Кейін қалдырмайды да шала тастамайды

Ол қалдырмайды да, тастамайды

Ол, адам терісін өртеп кетеді

теріні жандырып жіберуші

Оған он тоғыз (періште) қарайды

Оның үстінде он тоғыз бар

Тозақтың күзетшілерін періштелерден ғана қылдық. Сондай-ақ олардың сандарын қарсы келушілерге анық бір сынау қылдық... Өздеріне кітап берілгендер, сенсін. (Олардың кітаптарында да он тоғыз жазылған. Б.Ж.М.) Әрі иман келтіргендердің сенімдері арта түссін. Кітап иелерімен мүміндер күмәнданбасын. Сондай-ақ жүректерінде дерті болғандар мен қарсы болғандар: "Алла, бүл мысалмен нені қалайды?",- десін. Осылайша Алла, қалағанын адастырып және кімді қаласа, тура жолға салады. Раббың жасақтарының санын өзі ғана біледі. Бұл адамдар үшін бір насихат

Біз тозақ сақшыларын періштелерден ғана қылдық. Әрі олардың санын сондай күпірлік етушілер / имансыздар / үшін бір сынақ еттік. Бұл Кітап берілгендердің көздері жетуі, имандылардың иманы артуы үшін және Кітап берілгендер мен имандылардың күмәнданбауы үшін. Сондай-ақ жүректерінде дерті барлар мен кәпірлер: «Аллаһ бұл мысалмен нені қалады?!» - деп айтуы үшін. Осылай, Аллаһ кімді қаласа адастырып, кімді қаласа тура жолға салады. Раббыңның әскерін Одан басқа ешкім білмейді. бұл - адамзат үшін бір Еске салудан басқа еш нәрсе емес

Жоқ олай емес. Айға серт

Иә, солай! Аймен ант етемін

Қайтқан сәтте, түнге серт

Әрі кейін қайтқан түнмен

Ағарған сәтте, таңға серт

және ағарып жатқан таңмен

Шын мәнінде ол тозақ, әрине ірі уақиғаның бірі

Ақиқатында, ол / тозақ / - өте үлкендердің / құбылыстардың / бірі

Адамдар үшін ескерту

адамзатты ескертуші ретінде

Сендерден ілгері кетуді немесе кейін қалуды қалаған біреулер үшін ескерту

сендерден алға жүруді немесе артқа шегінуді қалағандар үшін

Әркім істеген ісінің орнына ұсталады. (С.21-А)

Әрбір жан - істеп тапқанының / амалының / тұтқыны

Бірақ ғамал дәптері оңынан берілгендер басқа. (С. 27-А)

Бірақ оң жақтағылар олай емес

Олар жаннаттарда сұрасады

Олар жәннаттарда бір-бірінен сұрасады

Қылмыстылардан

қылмыскерлер туралы

Сендерді тозаққа кіргізген не нәрсе

Тозаққа түскендерге / : «Сендерді Сақарға / тозаққа / не кіргізді?» - дейді

Олар: "Біз намаз оқушылардан емес едік

Олар: «Біз намаз оқушылардан болмадық

Әрі міскінді тамақтандырмайтын едік

әрі кедейді тамақтандырмайтын едік

Бұзықтыққа кірісушілермен бірге кірісіп жүрген едік

және / бос, өтірік сөздерге / батушылармен бірге батушы едік

Қиямет күнін өтірік деген едік

және Есеп / қиямет / күнін өтірік санауда болдық

Өзімізге өлім келгенге дейін (жалғаса берді" дейді)

бізге айқын нәрсе / өлім / келгенге дейін», - дейді

Сонда оларға шапағатшылардың шапағаты пайда бермейді

Сонда оларға араға түсушілердің / шапағат етушілердің / араға түсуі пайда бермейді

Ал оларға насихаттан жалтаратын не болды

Оларға не болды, Еске салатыннан / Құраннан / бет бұратындай

Олар мүлде үріккен құлан сияқты

бейне бір үріккен жабайы есектер тәрізді

Арыстаннан қашқан

Арыстаннан қашқан

Жоқ, олардан әрбіреуі өзіне бір ашық нұсқа берілуін қалайды

Негізінде, олардың әрбірі өзіне ашық жазбалардың берілуін қалайды

Жоқ, олар ахиреттен қорықпайды

Жоқ, керісінше, олар соңғы, мәңгілік өмірден / ақиреттен / қорықпайды

Олай емес. Шын мәнінде Құран бір насихат

Жоқ, олай емес! Анығында, бұл - бір еске салу, / ескерту

Кім қаласа, одан үгіт алады

кім қаласа, оны есіне алады

Алла қаламайынша, олар, үгіт ала алмайды. Ол Алла, қорқылуға лайық, жарылқау иесі

Алайда олар Аллаһ қаламаса, есіне алмайды. Ол / жазасынан / қорқуға лайықты әрі кешірім Иесі